Қырғызстанда қару-жарақ жасырылған қоймадан қазақстандық көлік нөмірі табылды, - деп хабарлайды Tengrinews.kz тілшісі Sputnik Кыргызстан сайтына сілтеме жасап.
ҰҚК баспасөз қызметінің мәліметінше, Шу облысында қару-жарақ пен оқ-дәрілер табылған. Құпия орыннан ойық атыс қаруы, бөлшектелген Макаров тапаншасы, Калашников автоматынан 5,45 және 7,62 миллиметр калибрлі бірнеше оқ-дәрі және Макаров тапаншасынан 9 миллиметр оқ-дәрі, қазақстандық көлік нөмірі (KNB 13), сондай-ақ, қолдан жасалған жарылғыш құрылғыларды дайындауға арналған заттар табылды.
Алдын ала мәліметтер бойынша, қылмыс жасау үшін қару-жарақ пен оқ-дәрілер дайындалған. Бұл істі ұйымдастырғандар анықталып жатыр.
Фото: ҚР ҰҚК баспасөз қызметі/sputnik.kg
Сілтемесіз жаңалық оқисыз ба? Онда Telegram желісінде парақшамызға тіркеліңіз!