1. Басты
  2. Біл
  3. Оқиға
  4. Қылмыс

Маңғыстау облысында деструктивті діни ағым өкілдері ұсталды - ҰҚК10 тамыз 2020, 10:24

Фото: ҰҚК баспасөз қызметі Фото: ҰҚК баспасөз қызметі

Ұлттық қауіпсіздік комитеті Жаңаөзен қаласында деструктивті діни ағым өкілдерін ұстады, - деп хабарлайды Tengrinews.kz тілшісі.

"2020 жылғы 7 тамызда Ұлттық қауіпсіздік комитеті атыс қаруын заңсыз жасау және өткізу фактілері бойынша сотқа дейінгі тергеу шеңберінде Маңғыстау облысы Жаңаөзен қаласының деструктивті діни ағымды ұстанушы 2 тұрғынын ұстады.

Тінту барысында заттай дәлелдемелер, оның ішінде екі автомат, үш пистолет, дыбыссыз атуға арналған құрылғы, сондай-ақ оқ-дәрілер табылып алынды", - делінген Ұлттық қауіпсіздік комитетінің баспасөз қызметі таратқан хабарламада.

9 тамызда сот күдікті адамдарды қамауды санкциялады.

Тергеу фигуранттардың экстремистік сипаттағы қылмыстарға қатысын тексеріп, істің өзге де мән-жайларын анықталып жатыр.

Қазақстан жаңалықтары. Соңғы жаңалықтар. Telegram желісінде бізге жазыл!