Білім және ғылым министрі Асхат Аймағамбетов Түркістан облысындағы оқушының өлімі туралы айтты, - деп хабарлайды Tengrinews.kz тілшісі.
"Әріптестер - Балалар құқықтарын қорғау комитетінің төрағасы мен балалар құқығын қорғау жөніндегі кеңесшім бірден Түркістан облысына ұшып барды. Сараптама жасап, оқиғаның мән-жайымен танысты, оның нәтижесі бойынша шара қолданамыз. Бұл - өте үлкен трагедия", - деді министр ОКҚ брифингінде.
Оның айтуынша, Түркістан облысындағы бірнеше білім беру ұйымында осындай деректер анықталған.
"Онда барған әріптестеріміз мектеп қызметімен танысты, әрине, әженің сөзі қаншалықты рас-өтірік екенін айтуға әлі ерте. Біз тергеу нәтижесін күтеміз. Құзырлы органдар бар, тиісті сараптама бар, әзірше өз қызметіміз аясында мектепке оқу-тәрбие үдерісін ұйымдастыру мәселесін қарадық. Оқу-тәрбие үдерісін ұйымдастыру бойынша заңбұзушылықтар бар екенін көрдік. Нәтижесі бойынша құзырлы органдар міндетті түрде тиісті шара қабылдайды", - деді Аймағамбетов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
