Оралда бір әйел 4 жасар баласын пышақпен жарақаттаған

22 Ақпан 2017, 15:22
0
Оралда бір әйел 4 жасар баласын пышақпен жарақаттаған - © top55.info
© top55.info

Оралда бір әйел өз баласын пышақтап тастамақ болған, - деп хабарлайды "Уральская неделя" басылымы.

12 ақпанда төрт жасар бала Оралдағы Облыстық балалар ауруханасына жеткізілген. Бұл туралы Облыстық балалар ауруханасының дәрігерлері балалар жарақатын алдын алу бойынша өткен брифинг барысында айтты.

"Баланың анасы 30 жаста. Ол психикалық тұрғыдан науқас адам болып көрінді. Ол баласымен бірге ауруханаға келгенде біз полицейлер мен қамқоршылық органдардан адамдарды шақырдық. Ол баласы жатқан палатада бірде-бір күн болған жоқ", - деді Облыстық балалар ауруханасының штаттан тыс бас дәрігері Александр Гехман.

Дәрігердің айтуынша, бала орта деңгейдегі жарақат алған, жүрегіне зақым тимеген. Қазіргі уақытта бала ауруханадан шығарылды, жағдайы қанағаттанарлық.

"Қазір бала кәмелетке толмағандарға арналған бейімдеу орталығында. Оны балалар үйіне жіберу мәселесі шешіліп жатыр", - деді хирург.

Басылымның мәліметінше, баланың анасы дәрігерлерге баланы өлтіргісі келгендіктен пышақтамақ болғанын айтқан.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай