29 қыркүйек 2020 17:03

Оралда тыйым салынған кітаптарды сатқан қыз ұсталды

ПОДЕЛИТЬСЯ

Фото: Depositphotos.com Фото: Depositphotos.com

Оралда 17 жастағы қыз Instagram желісі арқылы тыйым салынған кітаптарды сатқан, - деп хабарлайды Tengrinews.kz тілшісі "Мой город" порталына сілтеме жасап.


Оралда 17 жастағы қыз Instagram желісі арқылы тыйым салынған кітаптарды сатқан, - деп хабарлайды Tengrinews.kz тілшісі "Мой город" порталына сілтеме жасап.

Батыс Қазақстан облысы полиция департаменті Экстремизмге қарсы іс-қимыл басқармасының қызметкерлері Орал қаласының кәмелетке толмаған тұрғынынан экстремистік мазмұндағы тыйым салынған кітаптарды тәркіледі.

БҚО полиция департаменті баспасөз қызметінің мәліметінше, тыйым салынған кітаптарды сату фактісі әлеуметтік желіге мониторинг жүргізу барысында анықталған. Жасөспірім кітаптарды Instagram әлеуметтік желісі арқылы сатқан.

"Кітаптар тәркіленіп, сараптамаға жіберілді. Қыздың анасына қатысты ҚР Әкімшілік құқық бұзушылық кодексінің 490-бабы ("Қазақстан Республикасының Діни қызмет және діни бірлестіктер туралы заңнамасын бұзу") бойынша әкімшілік хаттама толтырылды", - делінген хабарламада.

Сондай-ақ, полиция жыл басынан бері діни қызмет туралы заңды бұзғаны үшін 19 адам жауапқа тартылғанын атап өтті.

"ҚР Әкімшілік құқық бұзушылық кодексінің 490-бабы бойынша жеке тұлғаларға 50 АЕК, заңды тұлғаларға 200 АЕК мөлшерінде айыппұл салу жазасы қарастырылған", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл! 

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети