1. Басты
  2. Біл
  3. Оқиға
  4. Қылмыс

"Өзбекстанның ислам қозғалысы" идеясын қолдаған ер адам Қазақстанда ұсталды

КТК кадрынан үзінді КТК кадрынан үзінді

Түркістан облысы Келес ауылының тұрғыны лаңкестікке ашық үндеген. Оны Ұлттық қауіпсіздік департаментіның қызметкерлері қолға түсірді, - деп хабарлайды КТК арнасы. 

56 жастағы Нұриддин Ахраров көшеде кетіп бара жатқан жерінде ұсталған. Салафизмді ашық үгіттеп жүрген азамат тыйым салынған "Өзбекстанның ислам қозғалысы" идеясын қолдап, тіпті мешіттерде имамдармен салғыласып жүрген көрінеді.

Оның үйін тінту кезінде радикал өзбек уағызшысы Абдуали қоридің 8 кітабы табылған. Өзі де жиһадқа дайындалып жүрген азамат лаңкестікті насихаттағаны үшін 12 жылға дейін сотталуы мүмкін.   

Ер адамның төрт баласы мен жары бар, қазір олармен теологтар жұмыс істеп жатыр. Ұсталған азамат өзінің салафит екенін жасырмайды.