Павлодар облысында қалыңдығына кредит алдырып, ақшаны жымқырған жігіт іздестіріліп жатыр

09 Қаңтар 2018, 12:24
0
Павлодар облысында қалыңдығына кредит алдырып, ақшаны жымқырған жігіт іздестіріліп жатыр -

Алаяқтық жасады және біреудің мүлігін жымқырды деген күдікпен 1993 жылдың 30 қарашасында Екібастұз ауданы Қоянды ауылында дүниеге келген Салық Қағбатолла Қабдоллаұлы (Каба) іздестіріліп жатыр, - деп хабарлайды Tengrinews.kz тілшісі Павлодар облыстық ІІД баспасөз қызметіне сілтеме жасап.

Екібастұздың Ішкі істер басқармасына қыздардың сеніміне кіріп, оларды несие рәсімдеуге көндіріп, қаражат пен ұялы телефондарын ұрлап жүрген ер адам жайлы шағымдардың түскені айтылады.

"Алданып қалған қыздардың бірі күдіктімен 2017 жылы желтоқсан айының соңынд әлеуметтік желілерде танысқан. Е р адам қыздың мекенжайын біліп, оған қонаққа барған. Кейінен қыздың ақшасы мен бағалы заттарын ұрлап, оқиға орнынан жасырынған", - деді ІІД өкілдері.

Күдікті екінші бір қызбен де әлеуметтік желілерде танысқан.

"Біраз уақыт өткен соң күдікті оған тұрмысқа шығуға ұсыныс жасаған. Үйлену тойын өткізу үшін несие алуға көндірген. Содан ер адам жасырынып кеткен. Оның қазіргі уақытта қайда екені жайлы мәлімет білетіндерден және күдіктіден зардап шеккендерге мына нөмірлер бойынша хабарласуды сұраймыз: Екібастұздың ІІБ кезекші бөлімі 102, 8 (7187) 75-06-06 немесе WhatsApp +77077004056", - деді ІІД өкілдері.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай