1. Басты
  2. Біл
  3. Оқиға
  4. Қылмыс

Павлодарда ер адамның ақшасын тартып алғандар ұсталды29 тамыз 2020, 11:59

Фото: © Tengrinews.kz Фото: © Tengrinews.kz

Павлодарда дүкеннің маңында 44 жастағы ер адамды күдіктілер тонап кеткен, - деп хабарлайды Tengrinews.kz тілшісі Pavlodarnews.kz порталына сілтеме жасап.

Олар жәбірленушіге күш көрсетіп, ақшасын тартып алған. Павлодар облысы полиция департаментінің мәліметінше, ұрлықты қарағандылықтар жасауы мүмкін.

"Күдіктілер Бұхар жырау көшесіндегі дүкеннің маңында болған. Олар 44 жастағы ер адамның ақшасын күшпен тартып алған", - делінген хабарламада.

Полиция күдіктілерді ұстаған. Олар Қарағанды облысының 28, 31 жастағы тұрғындары екен.

Бұл факті бойынша ҚР Қылмыстық кодексінің 191-бабы бойынша сотқа дейінгі тергеу басталды.

Қазақстан жаңалықтары. Соңғы жаңалықтар. Telegram желісінде бізге жазыл!