Павлодарда үш адамды қағып өлтірген мас жүргізуші 10 жылға сотталды

©РИА Новости

Павлодар қаласында көлікті мас күйінде жүргізіп, үш адамды қағып өлтірген азамат 10 жылға бас бостандығынан айырылды, - деп хабарлайды Tengrinews.kz тілшісі Павлодар қалалық №2 сотының баспасөз қызметіне сілтеме жасап.

Павлодар қаласында көлікті мас күйінде жүргізіп, үш адамды қағып өлтірген азамат 10 жылға бас бостандығынан айырылды, - деп хабарлайды Tengrinews.kz тілшісі Павлодар қалалық №2 сотының баспасөз қызметіне сілтеме жасап.

Жамбыл Мұхантаев 2014 жылы 24 қыркүйекте Павлодар қаласындағы Кутузов пен Шөкин көшелерінің қиылысында үш жаяу жүрушіні қағып кетті. Баспасөз қызметінің мәліметтері бойынша, ол көлікті мас күйінде жүргізген, сонымен қатар, сенімхаты болмаған. Жаяу жүргіншілердің екеуі оқиға орнында, ал үшінші адам ауруханада қайтыс болды.

Айта кетейік, 16 қаңтарда шыққан сот шешімі бойынша, Мұхантаев ҚР Қылмыстық кодексінің екі бабы бойынша айыпталып, 10 жылға бас бостандығынан айырылды. Енді ол жазасын жалпы режимдегі колонияда өтейді.

Еске сала кетейік, Атырауда автобус жүргізушісі жаяулар жүретін жолмен көшеден өтіп бара жатқан екі әйелді қағып өлтіргені хабарланған болатын. Оқиға 14 қаңтарда таңғы уақытта болды. "Балықшы - Авангард" 12-бағытындағы Daewoo автобусы жылдамдықпен келе жатып, Сәтпаев даңғылында, "Тамаша" ойын-сауық және сауда орталығы маңында жаяулар жүретін жолмен өтіп бара жатқан екі әйелді қағып кетті. Облыстық ІІД баспасөз қызметінің жетекшісі Гүлназира Мұхтарованың айтуынша, қатты соққыдан екі әйел бірнеше метрге дейін ұшып кеткен.

Үкім Құқық қорғау органдары Павлодар облысы Жолдар Жол-көлік оқиғасы