Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Пойызбен соқтығысқан шағын автобус жүргізушісі 10 жылға сотталды

02 Қазан 2014, 17:37
0
©РИА Новости
©РИА Новости

Павлодар облысында пойызбен соқтығысқан Ford Transit шағын автобусының жүргізушісі он жылға бас бостандығынан айырылды, - деп хабарлайды Tengrinews.kz тілшісі Ақсу қалалық сотына сілтеме жасап.

"Ақсу қаласы сотының үкімімен 45 жастағы Иосиф Гусев абайсыздықта төрт адамның өліміне соқтырған жол-көлік оқиғасын жасауға айыпты деп танылды. Ер адамға қоныс-колонияда 10 жылға бас бостандығынан айыру туралы үкім шығарылды", - деп хабарлады сот өкілдері. Сот оны марқұмдардың ата-анасына жалпы сомасы 17 миллион 934 мың теңге болатын моральдық шығын өтеуге де міндеттеді. Жәбірленуші тарап мұндай үкімді тым жұмсақ деп есептейді. "Бұл адамның кінәсінен біз өз ұлдарымыздан айырылдық, сондықтан оған өмір бойғы жаза беруді талап етеміз", - деді студенттердің ата-аналары.

Еске сала кетейік, шағын автобус сәуір айында Ақсу - Дегелең жолының 26-шақырымындағы теміржол өткелінде пойызға соғылған еді. Машинистің айтуынша, жол апатын Ford Transit шағын автобусының жүргізушісі туғызды. Ол келе жатқан құрамды көре тұра және тепловоздың дыбыс дабылын елемей, теміржол өткеліне шығып кетті. Машинист шұғыл түрде тежегішті басқанымен, көлікке түйіспей қоймады. Оқиға салдарынан төрт адам қайтыс болды. Бұл кезде автобуста тоғыз адам отырған. Зардап шеккендер - Ақсудағы кәсіби техникалық лицейінің студенттері. Жігіттер Ақсу ферроқорытпа зауытындағы өндірістік тәжірибеден қайтып келе жатқан. Зардап шеккендердің арасында жол апатына кінәлі жүргізуші де болды. Ол ауруханадан шығарылған бойда қамауға алынды.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай