Сәбиін өлтірген Екібастұз тұрғыны 13 жылға сотталды

31 Шілде 2014, 14:12
0
Сәбиін өлтірген Екібастұз тұрғыны 13 жылға сотталды - ©РИА Новости
©РИА Новости

Екібастұз қаласының тұрғыны жаңа туған ұлын өлтіргені үшін 13 жылға бас бостандығынан айырылды, - деп хабарлайды Tengrinews.kz тілшісі Павлодар облыстық қылмыстық істер жөніндегі мамандандырылған ауданаралық сотының баспасөз қызметіне сілтеме жасап.

"Сот Екібастұздың 33 жастағы тұрғынын екі айлық ұлын өлтіруге кінәлі деп танып, қатаң режимдегі колонияда 13 жылға бас бостандығынан айыруға үкім шығарды", - деп хабарлады соттың баспасөз хатшысы Ержан Қалкен. Оның айтуынша, бұл оқиға Екібастұзда 2014 жылдың сәуір айында болды.

Тергеу сол күні ер адамның үйде сәбиімен бірге қалғанын анықтады, нәрестенің анасы жұмысқа кеткен. Кешке қарай бала жылай бастаған. Мас ер адам оны қанша тыныштандырғысы келгенімен, бала уанбайды. Сол кезде ызаланып кеткен ер адам сәбиді аяғынан ұстап, бетон қабырғаға үш рет соғады. Сәбидің жылаған үнін естіген көршілер "жедел жәрдем" мен полиция шақырған.

Бассүйегі жарылған сәби ауруханада қайтыс болды. Сот-медициналық сараптамасының қорытындысына қарағанда, бала құтқарып қалуға келмейтін жарақат алған.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай