Ақмола гарнизонының әскери соты көшпелі сот процесі кезінде Қарағандыдағы жедел қызметтің төрт әскери қызметшісіне айыптау үкімін шығарды, деп хабарлайды "Интерфакс-Казахстан".
"Сот үш әскери қызметшінің әрқайсысын сегіз жылға бас бостандығынан айырып, қатаң режимдегі калонияға қамауға үкім етті. Ал төртіншісін - алты жылға бас бостандығынан айырды",- деп хабарлайды "Интерфакс-Казахстан" Ақмола гарнизонының әскери соты канцелярасынан.
Іс материалдары бойынша, Қорғаныс министрлігі №5451 әскери бөлімінде әскери қызметшілердің қорлығынан өткен жылдың көктемінде қатардағы жауынгер Ринат Ахмұлдинов бақылау мұнарасында атылып қалған болатын.
Әскери-тергеу басқармасы төрт әскери қызметшінің оны қорлап қана қоймай, сарбаздан ақша бопсалағанын да анықтады. Енді олар жазасын абақтыда өтейтін болады.