Семей тұрғыны қазақстандықтардың жеке куәлігі жоғалғаны туралы Желідегі хабарламаларды тауып, 10 миллион теңге несие рәсімдеген, - деп хабарлайды Tengrinews.kz тілшісі.
ІІМ мәліметінше, Семей қаласының тұрғыны әлеуметтік желіде құжаты жоғалғаны туралы хабарландыруларды тауып, сол арқылы шағын несие алуға өтініш берген. Күдіктіні Атырау облысының Полиция департаменті қызметкерлері құрықтаған.
"Сонымен қатар, жәбірленушілер несие мерзімі кешіктірілгені туралы хабарлама келгенге дейін өз атына несие алынғанын білмеген. Қазіргі уақытта 10 миллион теңгеден аса шығынға ұшыраған 320 адам анықталды", - деді Ішкі істер министрлігі Криминалдық полиция департаменті бастығының орынбасары Қанат Нұрмағамбетов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
