ШҚО-да сегізінші сынып оқушысы төрт жасар баланы зорлады

28 Қараша 2017, 15:04
0
ШҚО-да сегізінші сынып оқушысы төрт жасар баланы зорлады -

Шығыс Қазақстан облысындағы ауылдардың бірінде сегізінші сынып оқушысы төрт жасар баланы зорлаған, - деп хабарлайды Тimeskz.kz облыстық қылмыстық істер жөніндегі мамандандырылған ауданаралық соттың баспасөз қызметіне сілтеме жасап. 

Шығыс Қазақстан облысындағы ауылдардың бірінде сегізінші сыныпта оқитын оқушы төрт жасар баланы қызықты ойын көрсетемін деп алдап, көлікке отырғызған. Күш қолдану арқылы ол баланы шешіндіріп, жыныстық қатынасқа түскен. Осы кезде баланың айғайлаған дауысын естіген көршісі көлікке барған, ал кәмелетке толмаған зорлықшы басқа есіктен шығып қаша жөнелген. Көршісі жәбір көрген баланы анасына апарып, болған жәйтті айтып берген. Әйел адам полицияға арыз берген. Психикалық дамуы артта қалған 8-сынып оқушысы ұсталды.

Алайда сараптама қорытындысы бойынша, оқушының қылмыс істеген сәтте есін толығымен білгені анықталған. Ол өзінің әрекетін балалар порносын көріп, соны қайталап көргісі келгендігімен түсіндіріпті. 

Зорлықшы өз кінәсін толығымен мойындады. Алайда ол кішкентай баланың өмір бойына психикалық тұрғыдан әсер етуіне байланысты және физикалық тұрғыдан да нұқсан келтіргені үшін сот оны ҚР Қылмыстық кодексінің 121-бабы 4-бөлігі ("Сексуалдық сипаттағы зорлық-зомбылық әрекеттері, егер олар көрінеу жас балаға қатысты жасалса") бойынша 7 жыл 6 айға бас бостандығынан айырды. 

Ол жазасын қауіпсіздік деңгейі орташа мекемеде өтейді. Жәбірленушінің отбасына 700 000 теңге моральдық өтемақы төлейді. Сонымен қатар, оған бала тәрбиесі ісімен айналысуға тыйым салынды. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай