31 наурыз 2021 09:16

Шымкентте бір топ жігіт алып қашқан қыз табылды

Шымкентте полицейлер қаланың 18-мөлтек ауданында жігіттер алып қашқан қызды тапты, - деп хабарлайды "Хабар-24".

Жалғасы

■

Шымкентте қыз алып қашқандар ісінің мән-жайы анықталды

31 наурыз 2021 14:26

Алып қашқан жігіттер анықталған. Қазір полиция оқиғаның барлық мән-жайын тексеріп жатыр. Алдын ала болжам бойынша, жігіттер қызды үйлену үшін ұрлаған.

"Бұл дерек бойынша 126-баптың 2-бөлігі 1-тармағы ("Бас бостандығынан заңсыз айыру") бойынша қылмыстық іс қозғалды. Соталды тергеу жүріп жатыр", - деді Шымкент Полиция департаменті тергеу басқармасының басшысы Дәулеткелді Әбдіраманов.

29 наурызда қыз алып қашқан сәттің видеосы әлеуметтік желілерде пайда болған. Куәгерлердің айтуынша, көпқабатты үйлердің бірінің ауласында бірнеше жігіт қызды күштеп көлікке отырғызып, белгісіз бағытқа кетіп қалған.

Қыз қарсылық көрсетіп, көмек сұраған. "Менің терезем көшеге қарайды. Сағат 1:30 шамасында. Айғай естілді. Қыз айғайлады. Кейін тағы бір қыздың айғайлағаны естілді. Содан кейін шу шығып, көлік асқан жылдамдықпен кетіп қалды", - дейді мөлтек аудан тұрғыны.