Шымкентте 11-сынып оқушысына күш қолданып, бірнеше рет ақша бопсалаған оныншы сынып оқушысы екі айға қамалды, - деп хабарлайды Tengrinews.kz тілшісі Оңтүстік Қазақстан облысының сотына сілтеме жасап.
"Шымкенттің Қаратау айдандық ІІБ-ның полиция бөліміне М. Рысбай атты азамат 11-сыныпта оқитын ұлынан 2017 жылдың қазанынан 2018 жылдың ақпанына дейін күш қолданып, ақша бопсалаған №83 орта мектептің 10-сынып оқушысы Т.Н-ге қатысты шара қолдану туралы арыз берген", - делінеген хабарламада.
Сот қаулысымен ҚР ҚК-нің 194-бабы 2-тарауының 1,3-тармақтары бойынша күдікті оқушыға қатысты 2 айға қамау түріндегі бұлтартпау шарасы таңдалды.
Қазір тергеу шаралары жүріп жатыр. Сот қаулысы заңды күшіне енген жоқ.
