12 наурыз 2022 | 14:15

Талдықорғанда мұғалімге балағат сөйлеген оқушыға әкімшілік хаттама толтырылды

Сурет: tengrinews.kz мұрағатынан

Талдықорғанда №4 мектепте биология мұғалімі 2005 жылғы оқушының атына арызданды, - деп хабарлайды Tengrinews.kz тілшісі БҒМ баспасөз қызметіне сілтеме жасап.

Талдықорғанда №4 мектепте биология мұғалімі 2005 жылғы оқушының атына арызданды, - деп хабарлайды Tengrinews.kz тілшісі БҒМ баспасөз қызметіне сілтеме жасап.

Жалғасы

■

Талдықорғанда мұғалімді боқтап тастаған оқушы оқиғасы: Аймағамбетов пікір білдірді

12 наурыз 2022, 18:20

Ақпарат бойынша, 11 наурызда биология сабағында 2005 жылғы оқушы мұғаліммен қатты дауыспен балағат сөздер айтып сөйлескен. Мұғалім қалалық полиция бөліміне арыз жазған.

Посмотреть эту публикацию в Instagram

Публикация от Ләйлә Сұлтанқызы (@sultankyzy)

"Қазіргі таңда оқушыға қатысты ҚР ӘҚБтК-нің 434-бабы 1-бөлігі (ұсақ бұзақылық) бойынша әкімшілік хаттама толтырылды. Шешімді Алматы облысының кәмелетке толмағандардың істері жөніндегі мамандандырылған ауданаралық соты қабылдайды", - делінген хабарламада.

Еске салайық, кәмелетке толмаған балалардың іс-әрекеттері үшін ата-аналарға жауапкершілік қарастырылған.

"Осы іске байланысты оқушының ата-анасын жауапкершілікке тарту үшін әкімшілік іс қозғалды. Сонымен қатар белгіленген тәртіппен оқушыны есепке қою және оған психологиялық көмек көрсету туралы мәселе де қаралады", - деді БҒМ өкілдері.

Министрлік мұғалімдерге мұндай көзқарасқа жол берілмейтінін хабарлады. Мұғалімдер ғана емес, ата-аналар да балаларымен қоғамда өзін қалай ұстау керегі туралы әңгімелер жүргізуі маңызды екені атап өтілді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Талдықорған Мектеп соңғы жаңалықтар