Полициямен атыс шығарған Әлібек Тұраров екі айға қамауға алынды. Бұл туралы Tengrinews.kz тілшісіне Жамбыл облыстық соттың баспасөз қызметіндегілер хабарлады. Тараз қаласының № 2 соты оны 20 тамызға дейін қамауға алды.
Еске салайық, "Жедел-іздестіру шаралары барысында осы қылмысқа қатысы бар 1992 дүниеге келген А. есімді тараздық ұсталды. "Екі немесе одан да көп адамның өлiмi", "заңсыз иемдену", "Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру" баптары бойынша сотқа дейінгі тергеу жұмыстары басталды", - деді полиция қызметкерлері.
Осыған дейін Таразда тұрғын үйлердің бірінің тұрғындарының эвакуацияланғаны хабарланған болатын. Оқиға Тараз қаласындағы 6-ықшамуданындағы 18-ші үйде болған.
