Теміртауда түнгі клубтағы төбелестен бір адам қайтыс болды

05 Сәуір 2015, 13:59
0
Теміртауда түнгі клубтағы төбелестен бір адам қайтыс болды - @Kudago.com
@Kudago.com

Теміртауда түнгі клубқа келушілер мен ғимарат күзетшілері арасында шыққан жанжалдан бір адам қайтыс болды, - деп хабарлайлы Tengrinews.kz тілшісі Қарағанды облысы ІІД баспасөз қызметіне сілтеме жасап. Оқиға 5 сәуірге қараған түні болды. Түнгі клубтың аты мен жанжалдың болған жері айтылған жоқ.

Полицейлердің мәліметінше, жанжал кезінде травмат қаруы қолданылған. Нәтижесінде ғимараттың күзетшісі мен келуші жарақат алды. Түнгі клубқа келуші "жедел жәрдем" көлігінде ауруханаға бара жатқан жолда жан тапсырды.

Жанжалға қатысқандар түгелі ұсталды. Теміртаудағы түнгі клуб жұмысын жалғастыруда. Жанжалдың себебі анықталған жоқ. Қазір құқық қорғау органдары "Кісі өлтіру" бабы бойынша сотқа дейінгі тергеу амалдарын жүргізіп жатыр. Айта кетейік, осыған ұқсас жағдай бір жыл бұрын Петропавлда болған еді. Ол кезде де атыс кезінде түнгі клубқа келуші қаза тапқан. Оны басынан "Оса" қаруымен атқан. Одан бөлек екі адам жарақаттанып, ауруханаға жеткізілген. Болған оқиға бойынша "Кісі өлтіру" және "Бұзақылық" баптарына сай қылмыстық іс қозғалған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай