08 шілде 2014 | 17:06

ТМРА басшысы қыркүйекке дейін қамауда отырады

Мұрат Оспанов. ©Pm.kz

ҚР Табиғи монополияларды реттеу агенттігінің төрағасы Мұрат Оспанов қыркүйек айына дейін қамауда болады, - деп хабарлайды Tengrinews.kz тілшісі Астана қаласының Алматы аудандық №2 сотына сілтеме жасап.

ҚР Табиғи монополияларды реттеу агенттігінің төрағасы Мұрат Оспанов қыркүйек айына дейін қамауда болады, - деп хабарлайды Tengrinews.kz тілшісі Астана қаласының Алматы аудандық №2 сотына сілтеме жасап.

Жалғасы

■

Мұрат Оспановты тұтқындау мерзімі қазанға дейін ұзартылды

04 қыркүйек 2014, 19:55

■

ТМРА экс-басшысы Мұрат Оспановтың ісін тергеу аяқталды

01 қазан 2014, 13:42

■

ТМРА экс-басшысы Мұрат Оспанов 800 миллион теңге айыппұл төледі

28 қыркүйек 2015, 13:51

Оспановқа қатысты қозғалған қылмыстық іс материалдарына қарағанда, оған екі айға, 2014 жылдың 1 қыркүйегіне дейін тұтқындау түріндегі бұлтартпау шарасы таңдалған. Шенеунікке ҚР Қылмыстық кодексінің 311-бабының 5-бөлігі бойынша ("Аса ірі көлемде пара алу") айып тағылып отыр. Бұл бап бойынша мүлкін тәркілеумен бірге 10 жылдан 15 жылға дейін бас бостандығынан айыру жазасы қарастырылады.

Еске сала кетейік, 2 шілде күні қаржы полициясы Табиғи монополияларды реттеу агенттігінің төрағасы Мұрат Оспановты 200 мың доллар көлемінде пара алды деген күдікпен ұстағанын хабарлаған болатын. Кейін Оспанов алған пара көлемі нақтыланды - ол табиғи монополиялар субъектісіне қорған болу үшін 300 мың доллар алған. 3 шілде күні Астана қаласының Алматы аудандық №2 соты агенттік төрағасын тұтқындауға санкция берді. Кейбір ақпарат агенттіктері оның тұтқындалғаннан кейін мемлекеттік органдар ресми блог-платформасы оқырмандарының сауалдарына жауап бергенін хабарлады.