1. Басты
  2. Біл
  3. Оқиға
  4. Қылмыс

ҰҚК: Қарағанды облысында радикал діни топ өкілдері ұсталды

Қарағанды облысында радикал діни топ іс-әрекетінің жолы кесілді, - деп хабарлайды Tengrinews.kz тілшісі ҚР ҰҚК Баспасөз қызметіне сілтеме жасап. 

"2018 жылғы 18 шілдеде Қазақстан Республикасы Ұлттық қауіпсіздік комитеті Қарағанды облысының Сәтпаев қаласында радикалды діни топ іс-әрекетінің жолын кесті. Арнайы операция жүргізу барысында топтың 3 мүшесі ұсталып, олардан суық қару және діни мазмұндағы материалдар алынды", - делінген хабарламада.

Бұл адамдардың террорлық топ құру және оның әрекеттеріне қатысқаны, сондай-ақ терроризмді насихаттағаны бойынша күдікке ілініп отырғаны айтылады. 

Көрсетілген фактілер бойынша сотқа дейінгі тексеру жүргізілуде, басқа мәліметтер тергеу мақсатында жарияланбайды екен.

ШҚО-да ұшақ өртенді