Қазақша
Русский
Бөлісу
Осыдан бірнеше апта бұрын ғана Ферран Торресті Испания құрамасының басты сәтсіздігі деп атайтын. Жанкүйерлер оның мүлт кеткен сәттерін талқылап, сарапшылар негізгі құрамға лайықтығына күмән келтірсе, ең ауыр пікірді өз атасы айтқан болатын. Енді Әлем чемпионатының Аргентинаға қарсы финалында жалғыз гол соғып, Испанияға тарихтағы екінші титулды сыйлаған осы Торрес болды. 26 жастағы шабуылшы үшін бұл мансабындағы ең маңызды гол ғана емес, өміріндегі ең қиын турнирлердің біріне қойылған нүкте болды. Tengri Life спортшы туралы не белгілі екенін анықтап көрді.
Қаһарманнан гол күтті, бірақ ол соға алмады
Әлем чемпионаты Ферран үшін өзі қалағандай басталмады.
"Барселона" шабуылшысы үнемі ойын уақытын алып жүргенімен, оның әрбір матчі пайдаланылмаған мүмкіндіктер туралы әңгімемен аяқталатын. Кабо-Вердеге қарсы алғашқы ойынның өзінде Торрес турнирдегі ең айқын мүмкіндіктердің бірін мүлт жіберді. Бұл видео әлеуметтік желілерде тез тарап, оған қатысты сын үдей түсті.
@bdsedits1 Ферран бірінші таймда мүлт кетті. 😭#spain #capeverde #worldcup #fyp #famous ♬ original sound - 𝐵𝑑𝑠
Әлем чемпионаты кезінде Ферран біресе негізгі құрамда шықса, біресе қосалқы құрамда қалып жүрді. Кез келген қателік жаңа талқылауларға себеп болды.
Ең ауыры Сауд Арабиясымен матчте болды.
Сол кезде Торрес қосымша уақытта допты қақпаға бағыттаған еді. Төрешілер VAR көмегімен эпизодты тексеріп жатқанда, испандық БАҚ-тың хабарлауынша, футболшы:
"Өтінемін, гол болсыншы. Өтінемін, гол болсыншы", - деп сыбырлап тұрған.
@kylvire Ол мұндай өшпенділікке лайық емес, ол барын салып жатыр 💔 #ferrantorres #fyp #spain #explore #viral ♬ son original - sabersongs.2♪
Бірақ ғажайып болмады.
Ұзақ тексерістен кейін төрешілер офсайд тіркеді. Гол есептелмей, Ферран алаңнан басын салбыратын кетіп қалды.
Атасы да оны ӘЧ-ге бекер алды деп айтқан
Торреске қысымның күшті болғаны сонша, оны журналистер мен жанкүйерлер ғана талқылап қойған жоқ.
Испандық БАҚ мәліметінше, футболшының өз атасы немересін Әлем чемпионатына неге шақырғанын түсінбейтінін ашық айтқан. Сонымен қатар, ол Ферранның деңгейі "Барселонаға" сәйкес келетініне күмән келтіріп, оған "Леванте" көбірек лайық болар еді деген.
@andresenabre 👴🏼 “Маған «Барса» ұнамайды, оның «Левантеде» болғанын қалаймын” 🗣️ Ферран Торрестің атасы ашық айтты. 👇 Келісесіз бе? #FerranTorres #Barça #SeleccionEspañola #Mundial2026 #Futbol ♬ sonido original - Senabre | Reportero TV
Алғашқы гол финалда соғылды
Бүкіл Әлем чемпионатында Торрес бірде-бір рет көзге түсе алмады.
Финалға дейін.
Аргентинаға қарсы шешуші матчте ол алаңға 62-минутта шықты. Негізгі уақыт голсыз аяқталды, ал екінші қосымша таймның басында оның бүкіл турнир бойы күткен сәті туды.
Нико Уильямстың баспен берілген пасынан кейін Торрес допқа бірінші жетіп, қақпаның жоғарғы бұрышына дәл соққы бағыттап, кездесудегі жалғыз голды соқты.
@fifaworldcup Ферран Торрес әлемдік титул үшін. 🏆⚽️ #FIFAWorldCup ♬ original sound - FIFA World Cup
Голды тойлау кезінде ол бұрыштағы жалаушаны құлатып, кейінгі апталарда өзін сынағандардың бәріне арналғандай ишарат көрсетті.
@gala.fr #pedri #ferrantorres #spain #fifaworldcup #sportstiktok ♬ DAISIES - Justin Bieber
Осылайша Торрес Әлем чемпионаты финалында гол соққан тарихтағы екінші испандық атанды. Оған дейін бұған тек 2010 жылы Андрес Иньеста қол жеткізген болатын.
Финалдан кейін ол мүлт кеткен сәттері туралы әзілдеді
Бастан өткерген барлық стресске қарамастан, матчтен кейін Ферран сынағандардан есе қайтарғысы келген адамдай көрінбеді.
DAZN журналисі жеңіс голы оңай болмағанын, допты қабылдап алып, сол аяқпен дәл соғу керек болғанын айтқанда, Торрес күлімсіреп былай деп жауап берді:
"Мен оңай емес, қиын голдарды соққанды жақсы көретінімді білесің ғой".
Бұл сөз финалдан кейін ең көп талқыланған пікірлердің біріне айналды.
Кейін шабуылшы сын оған тек күш бергенін айтты.
"Маған біреулердің сәл сынағаны ұнайды, содан кейін олардың бәрін үнсіз қалдыруға мүмкіндік туады".
@daznfootball "Дәл қазір не болып жатқанын түсінбей тұрмын" Ферран Торрес Испания үшін әлем чемпионатын жеңіп алғаннан кейін әлі де есеңгіреп жүр 🇪🇸🏆🌎 #WorldCup ♬ original sound - DAZNFootball
Ол тағы бір сұхбатында былай деп қосты:
"Бүкіл Әлем чемпионатында аған өте көп сын айтылды, бірақ Құдай маған әрқашан алға жылжуға күш береді".
"Бұл голды 47 миллион адам соқты"
Финалдық ысқырықтан кейін Торрес өзі туралы айтпауға тырысты.
Оның айтуынша, ол өзін ғана жеңіс голының авторы ретінде санамайды.
"Бұл голды мен ғана соққан жоқпын деп ойлаймын. Бұл бізге қолдау көрсеткен 47 миллион адамның күші еді. Біз олардан өте алыс болсақ та, олар қасымызда жүргендей әсерде болдық", - деп бөлісті ол.
Футболшы болған жайтты отбасымен кездескеннен кейін ғана толық сезінгенін мойындады.
"Отбасымды көріп, оларды құшақтап, суретке түскенде ғана жерге қайта оралғандай болдым", - деп атап өтті ол.
Ал жеңістен кейін неге жыламағаны туралы сұраққа ол былай деп жауап берді:
"Оңаша қалғанда жылап алармын. Қазір осы сәттен ләззат алатын, жеңісті тойлайтын және Испанияға оралатын уақыт".
@ale77373823 Испанияға жеңіс сыйлаған Ферранның голы 🥹🥹#ferrantorres #spain #worldcup #tipografia #lyrics NO COPYRIGHT INTENDED clips:@FIFA World Cup ♬ түпнұсқа дыбыс - Ale
Енді оның басқа мәселесі бар
Жеңіс голы Ферранды Әлем чемпионатының басты кейіпкерлері біріне айналдырды, алайда оның клубтағы болашағы әзірге белгісіз болып отыр.
Испандық БАҚ мәліметінше, "Барселона" шабуылшымен келісімшартты ұзартқысы келеді, бірақ қыркүйекке дейін ресми ұсыныс жасауды жоспарлап отырған жоқ. Себебі - қаржылық шектеу: жаңа келісімге қол қойылғаннан кейін каталониялықтар "Манчестер Ситиге" бұрынғы трансфер шарттарында қарастырылған жеті миллион еуроны төлеуі тиіс.
ПСЖ-ның да Торреске қызығушылығы сақталып отырғаны хабарланды.
Бірақ оның болашағы қандай болса да, Әлем чемпионатындағы жетістігін енді ешкім тартып ала алмайды.
Жақында ғана Ферран төрешілер оның турнирдегі алғашқы голын жоққа шығармауын тілеп еді. Ол гол есептелмеді.
Ал финалдағы голды енді ешкім жоя алмайды.
Ферран Торрес кім?
Ферран Торрес 2000 жылы 29 ақпанда Испанияның Фойос қаласында (Валенсия) дүниеге келген. Ол қапталда да, шабуыл орталығында да ойнай алатын әмбебап шабуылшы.
2022 жылдың қаңтарынан бастап футболшы "Барселонада" өнер көрсетеді, онда бірнеше маусымда Испания чемпионаты мен ел Суперкубогін қоса алғанда, ұлттық олжаларды жеңіп алды.
Пікірлерді оқу
+7 (777) 001 44 99
