1. Басты
  2. Біл
  3. Техно
  4. Даму

Байқоңырдан 400-ші "Протон-М" сәтті ұшырылды 15 желтоқсан 2014, 16:27

"Протон" зымыран тасығышы осы жылы жетінші рет ұшырылды, оның жерден көтерілуі кезінде қандай да бір төтенше жағдай болған жоқ.
©necronom.35photo.ru ©necronom.35photo.ru

Қазақстанның Байқоңыр ғарыш айлағынан 15 желтоқсан күні Астана уақытымен сағат 03.16 кезінде ұшырылған ресейлік "Протон-М" зымыран тасығышы жоспарлы уақытында ұшырылды, - деп хабарлайды ТengrinewsTV тілшісі Роскосмостың баспасөз қызметіне сілтеме жасап.

"Протон" зымыран тасығышы осы жылы жетінші рет және шыққан уақытынан бері 400-ші рет ұшырылып отыр. Көтерілу кезінде ешқандай төтенше оқиға болған жоқ. Ресейлік Ямал-401 телекоммуникациялық спутнигінің ұшырылуы бастапқыда екінші желтоқсанға жоспарланған еді. Бірақ оның мерзімі "Астра-2G" Еуропа ғарыш аппаратының ұшу уақыты өзгергендіктен 15 желтоқсанға ауыстырылды. Айта кетейік, Ямал-401 жер серігі Ресей аумағынан және Еуропа мен Азиядағы таяу елдердің аумағынан байланыс және телетаратылым ретрансляциясын қамтамасыз етуі керек болған.