+7 (777) 001 44 99
ПОДЕЛИТЬСЯ
Дүниежүзілік денсаулық сақтау ұйымы Африкада науқастар арасында қант диабетінен өлім-жітім саны артқанына алаңдаушылық білдіріп отыр, - деп хабарлайды Tengrinews.kz тілшісі Deutsche Welle сайтына сілтеме жасап.
Дүниежүзілік денсаулық сақтау ұйымы Африкада науқастар арасында қант диабетінен өлім-жітім саны артқанына алаңдаушылық білдіріп отыр, - деп хабарлайды Tengrinews.kz тілшісі Deutsche Welle сайтына сілтеме жасап.
Дүниежүзілік денсаулық сақтау ұйымы Африканың 13 елінің деректерін алдын ала талдап, қант диабетімен ауыратындар арасындағы өлім деңгейі жалпы COVID-19-бен ауыратын науқастардың 2,5 пайызымен салыстырғанда 10,2 пайыз болатынын көрсетті. Сондықтан ұйым қант диабетімен ауыратындардың коронавирус жұқтыру қаупі жоғары екенін атап өтті.
"COVID-19 нақты белгі береді: Африкадағы қант диабеті эпидемиясымен күресу қазіргі пандемиямен күресу сияқты маңызды", - деді ДДСҰ-ның Африка бойынша аймақтық директоры Матшидисо Моэти.
Халықаралық диабет федерациясының мәліметі бойынша, Африкада қант диабетімен ауыратын 24 миллионға жуық адам бар. Бұл аурудан зардап шеккен африкалықтардың саны 2045 жылға қарай 55 миллионға дейін жетеді деп болжанып отыр.
#COVID19 death rates in #Africa are significantly higher in patients who also have #diabetes.
— WHO African Region (@WHOAFRO) November 11, 2021
A recent WHO analysis revealed a 10.2% case fatality rate in patients with diabetes, compared with 2.5% for COVID-19 patients overall. #WDD2021 https://t.co/VLWO2BG7vT
ДДСҰ Африкада диагноз қойылмаған қант диабетінің көптігі ерекше алаңдаушылық тудыратынын ескертті. Диабетпен ауыратындардың шамамен 70 пайызы бұл аурудың бар-жоғын білмейді.
"Қазір жаңа жағдайлардың алдын алу үшін әрекет етуіміз керек, осы аурумен ауыратын адамдарға екпе салуымыз керек, ең бастысы, миллиондаған африкалықтарды анықтап, қолдау көрсетуіміз керек, олар әлі бұдан қаншалықты зардап шегетінін білмейді", - деді Моети.
Дүниежүзіндегі қант диабеті жағдайларының 90 пайызға жуығы, Африкадағы басым көпшілігі - 2-қант диабеті, өйткені әлем елдерінде дұрыс тамақтанбау, қозғалыссыз өмір салты дендеп еніп кеткен. COVID-19 пандемиясы бүкіл Африкада қант диабетін емдеу жоспарларына айтарлықтай әсер етті.
ДДСҰ талдауы үшін Буркина-Фасо, Чад, Конго, Эсватини, Гвинея, Намибия, Нигер, Руанда, Сенегал, Сейшель аралдары, Сан-Томе, Принсипи және Уганда секілді елдер мәлімет берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
