+7 (777) 001 44 99
ПОДЕЛИТЬСЯ
Исландиядағы Рейкьявик университетінің профессоры Джек Джеймс жүкті әйелдерге және болашақ аналарға құрамында кофеині бар кофе, шоколад, шай және тағы басқа азық-түлік өнімдерін тұтынуға болмайтынын анықтады, - деп хабарлайды Tengrinews.kz тілшісі Evening Standard сайтына сілтеме жасап.
Исландиядағы Рейкьявик университетінің профессоры Джек Джеймс жүкті әйелдерге және болашақ аналарға құрамында кофеині бар кофе, шоколад, шай және тағы басқа азық-түлік өнімдерін тұтынуға болмайтынын анықтады, - деп хабарлайды Tengrinews.kz тілшісі Evening Standard сайтына сілтеме жасап.
Ұлыбританияның денсаулық сақтау ұлттық қызметінің (NHS) сарапшылары жүкті әйелдерге кофеинді тұтынуды күніне 200 миллиграмммен шектеуге кеңес береді. Алайда исландиялық ғалым Джек Джеймс 32 зерттеу жұмысын талдап, "кофеин жүктілік кезінде қолайсыздық қаупін арттырады" деген қорытынды жасаған.
Кофеинді тұтыну нәрестенің өлі тууына, әйелдің түсік тастауына, сәби салмағының аз болуына алып келуі мүмкін.
Сондай-ақ, нәрестеде өткір лейкемия немесе семіздік пен артық салмаққа бейім болу қаупі жоғары болады дейді дәрігерлер.
"NHS ұсыныстары кофеиннің қазіргі қаупін ескермейді. Бұл ұсыныстарды түбегейлі қайта қарау қажет", - дейді профессор Джек Джеймс.
Ал корольдік акушер-гинекологтар өкілі, акушер-кеңесші Дагни Раджасингем жүктілік кезінде кофеинді тұтынуды шектеу керегін айтады. Бірақ оның пікірінше, кофеиннен толығымен бас тартудың қажеті жоқ.
"Тағы бір маңызды зерттеу жүкті әйелдерге кофеинді толығымен бас тартудың керегі жоқ екенін көрсетті. Себебі одан төнетін қауіп өте аз", - дейді гинеколог.
Қазақстан жаңалықтары. Соңғы жаңалықтар. Telegram желісінде бізге жазыл!
