Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қартаюды баяулататын жаттығулар белгілі болды

30 Шілде 2016, 11:38
0
© naturnike.ru
© naturnike.ru

Бельгия мен Германияның ғалымдары аш жүру мен төзімге арналған дене жаттығуларының теломердің жылдам қысқаруының алдын алып, осылайша ағзаның қартаюын баяулататынын зерттеу жүзінде дәлелдегенін мәлімдеді. Зерттеу Science Advances журналында жарияланды. 

Генетиктер тәжірибелердің бірінші кезеңінде адам хромосомаларының ұш бөліктерін сараптап, онда PGC-1α ақуызын тапқан. Протеин TERRA молекуласының транскрипциясы болатын бөліктерде теломерлермен қатынасқа түседі. TERRA молекуласы теломерлердің бұзылмауын қадағалайтын қасиетке ие. 

Ғалымдар зерттеудің екінші кезеңінде PGC-1α ақуызының жасушаның энергетикалық алмасуға қатысатынын анықтады. Нақтырақ айтқанда, протеиндер түрлі стимулдар болса (мәселен төзімділікке арналған дене жаттығулары мен калорияның шектеуі пайда болған жағдайда) TERRA молекуласының транскрипциясын іске қосатын ауыстырушы қызмет ететіні белгілі болған. 

Ғалымдар ерікті түрде қатысуға келісім берген 10 сау адамға тәжірибе жүргізді. Зерттеу бойынша, велосипедті 45 минут жүргізгенде бұлшықеттерде TERRA молекулаларының мөлшері артқан. Өз кезегінде бұл PGC-1α ақуызын шығаруға қатысатын AMPK ферментінің белсенді болуымен жағымды арақатынас орнатты. 

Велосипедшілер мен адамның өсетін бұлшықет жасушаларының зерттеулерін бақылаған ғалымдар TERRA молекуласының транскрипциясын дене жаттығуларымен айналысқанда және аш жүргенде өндірілетін AMPK ферменті реттейді деп болжам жасады. Ғалымдардың бұл зерттеуі дене жаттығулары мен аш жүрудің қартаюды баяулататынын зерттеу жүзінде дәлелдеп берді, - деп жазады Lenta.ru.  


Ғалымдар жүргізген зерттеу
© Aurélie Diman and Anabelle Decottignies

Теломерлерде хромосомалардың ұш бөліктері бар, ол хромосомалардың қорғаныс функциясын атқарады. Адамның сәби кезінен бастап олар бірте-бірте қысқара түседі: есею шағына дейін екі есе және қарттыққа дейін төрт есе қысқарады екен. Ғалымдар мұны адам ағзасының қартаюының бір себебі деп отыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай