10 тамыз 2020 09:58

Студенттік жатақханалар құрылысы – уақыт талабы

ПОДЕЛИТЬСЯ

Фото: Алматы әкімдігінің сайты Фото: Алматы әкімдігінің сайты

Елімізде білім сапасының деңгейін жақсартумен қатар, білім беру ошақтарының инфроқұрылымын жаңарту - күн тәртібіндегі өзекті мәселелердің бірі. Оның бір дәлелі, елімізде 80 мыңнан астам студент жастардың жатақхана орындарына мұқтаждығы. Осының салдарынан көптеген студент санитарлық талаптар сақталмайтын, ескі жатақханаларда тұруға мәжбүр болып келді.


Елімізде білім сапасының деңгейін жақсартумен қатар, білім беру ошақтарының инфроқұрылымын жаңарту - күн тәртібіндегі өзекті мәселелердің бірі. Оның бір дәлелі, елімізде 80 мыңнан астам студент жастардың жатақхана орындарына мұқтаждығы. Осының салдарынан көптеген студент санитарлық талаптар сақталмайтын, ескі жатақханаларда тұруға мәжбүр болып келді.

Осы жағдайды шешу мақсатында "Қаржы орталығы" АҚ мемлекет пен жеке сектордың қатысуымен студенттерге, магистранттарға мен докторанттарға 75 мың төсек-орынға еліміздің барлық өңірін қамтитын жатақханалар құрылысына қатысты ауқымды жобаны жүзеге асыруда. Жоба 2018 жылдың соңында іске қосылды.

Жатақхана иелері мемлекеттен әрбір төсек-орынға жылына 122 АЕК (Алматы қаласы 144 АЕК)  көлемінде, ал ғимаратты жатақхана ретінде реконструкциялаудан өткізсе 47 АЕК мөлшерінде төлем алады. Мемлекет бұл төлемдерді 8 жыл бойы жүргізеді.  Мысалы 500 орындық жатақхананы алатын болсақ, кәсіпкер 8 жыл ішінде мемлекеттен 1,5 миллиард теңге көлемінде төлем алады және жатақхана өз иелігінде қалады. Сондай-ақ, инвесторларға типтік негіздегі жобалық-сметалық құжаттамалар ұсынылады.

2010-2018 жылдар аралығында 9 339 төсек-орынға 20 жатақхана қолданысқа берілсе, жоба бастаған кезеңнен  2019 жылдың соңына дейін 9 166 төсек-орынды 34 жатақхана іске қосылды. Осы арқылы 8 жылдың жиынтық көрсеткішіне парапар орын санына қол жеткізілді.

2019 жылы енгізілген жатақханалар көрсеткіші бойынша еліміздің алдынғы орындағы 3 өңірін атауға болады. Олар: Алматы 2 010 орынға 6 жатақхана, Шымкент қалалары 1 605 орынға 6 жатақхана, Шығыс Қазақстан облысы 1 263 орынға 5 жатақхана салды.

Студенттер үшін жаңа бағдарлама аясында іске қосылған жатақханаларда тұрудың орташа ақысы 10 000 теңгені құрайды. Бұл заманауи үлгідегі, орын-жайлардан бөлек коворкинг орталық, спорт залы және студенттерге уақытты мазмұнды әрі қолайлы өткізуге жағдай жасалған жатақханалар үшін аса қымбат баға емес.

Әлеуметтік маңызды және кәсіпкерлер үшін тиімді жобаның сәтті басталуына мемлекет пен кәсіпкерлердің ортақ іске жұмыла кірісуінің арқасында мүмкін болып отыр. Кәсіпкерлер тарапынан жобаға қызығушылық танытудың бірнеше себебі бар. Бұл алдымен, құрылыс жұмыстарына кеткен шығынның өтемін мемлекеттік тапсырысты орналастыру арқылы қайтарып алу, жер теліміне заттай грант негізінде қол жеткізу және "Қарапайым заттар экономикасы" бағдарламасы аясында банктік несиелерін 9 пайызға дейін субсидиялауға мүмкіндіктерінің болуы.

Қызығушылық танытқан тараптарды әріптестікке шақырамыз.

 "Қаржы орталығы" акционерлік қоғамы

Қазақстан жаңалықтары. Соңғы жаңалықтар. Telegram желісінде бізге жазыл! 

Жарнамалық материал
Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети