Ғылым және жоғары білім министрі Саясат Нұрбек қазақстандық талапкерлерге қанша грант бөлінетінін, конкурстың қашан басталатынын және бүгінде қай мамандықтарға басымдық берілетінін айтты, - деп хабарлайды Tengri Education.
Ғылым және жоғары білім министрі Саясат Нұрбек қазақстандық талапкерлерге қанша грант бөлінетінін, конкурстың қашан басталатынын және бүгінде қай мамандықтарға басымдық берілетінін айтты, - деп хабарлайды Tengri Education.
Министрдің айтуынша, ҰБТ-ға 239 мыңнан аса адам тіркелген. Тестілеу 10 мамыр мен 10 шілде аралығында өтеді. Биыл оның форматы өзгеріссіз қалды: талапкерлер ҰБТ-ны екі рет тапсырып, ең жақсы нәтижемен грант конкурсына қатыса алады.
Педагогикалық және медициналық бағыттарға түсушілер үшін арнайы емтихандар қарастырылған. Шығармашылық білім беру бағдарламаларының талапкерлері үшін шығармашылық емтихан бөлек ұйымдастырылады.
"Гранттар конкурсына қатысу үшін өтініштер қабылдау 13–20 шілде аралығында жүргізіледі. Жоғары оқу орындарына қабылдау 25 тамызда", - деді Саясат Нұрбек.
Шенеуніктің мәлімдетінше, жоғары білімді кадрларды даярлауға арналған мемлекеттік білім беру тапсырысының көлемі өткен жылдардағы деңгейде сақталады. 2026–2027 оқу жылына 89 457 мемлекеттік грант бөлінді. Оның 75 мыңнан астамы - бакалавриатқа, 11 мыңнан астамы - магистратураға және тағы 3 мыңға жуығы докторантураға тиесілі.
Қазақстанға қандай кадрлар қажет?
Министр алдағы жылдары елге 883 мыңнан аса маман қажет болатыны туралы болжамды жариялады. Негізгі сұраныс инженерлік кадрларға - шамамен 530 мың адамға. Білім беру саласында 185 мыңнан аса маман, басқа салаларда 168 мыңға жуық маман қажет.
Дәл осы себепті білім беру гранттарын бөлу кезінде инженерлік, IT, аграрлық, педагогикалық және жаратылыстану бағыттарына басымдық берілген.
Гранттардың 60 пайызы инженерлік-техникалық және ауыл шаруашылығы мамандықтарына, тағы 21 пайызы педагогикалық кадрларды даярлауға бағытталған.
Пікірлерді оқу
+7 (777) 001 44 99
