1. Басты
  2. Біл
  3. Оқиға
  4. Тосын жай

Ақмола облысында медициналық маска сатқан ер адам іздестіріліп жатыр

Фото: Тұрар Қазанғапов Фото: Тұрар Қазанғапов

Ақмола облысында медициналық маска сатқан ер адам іздестіріліп жатыр, - деп хабарлайды Tengrinews.kz тілшісі облыстық полиция департаментінің баспасөз қызметіне сілтеме жасап.

Полицейлердің мәліметінше, жергілікті тұрғын Интернеттен 600 маска сатып алмақшы болған. Ақшаны "сатушыға" аударған, алайда тауар сол күйі жеткізілмеген.

6 сәуірде Жарқайың ауданының полиция бөліміне 35 жастағы ер адам арыз қалдырған.

"Ер адам "сатушының" шотына 51 000 теңге аударған. Алайда ақшаны алған соң ол байланысқа шықпаған", - дейді полицейлер.

Қазіргі уақытта алаяқтық дерегі бойынша сотқа дейінгі тергеу жүріп жатыр.

Қазақстан жаңалықтары. Соңғы жаңалықтар. Telegram желісінде бізге жазыл!