+7 (777) 001 44 99
ПОДЕЛИТЬСЯ
АҚШ-та Нұрлан Нөгербеков есімді қазақстанды азамат жол апатынан қаза тапты. Бұл туралы Gofundme сайты Facebook желісіндегі Kazakh American Association тобына хабарлаған.
АҚШ-та Нұрлан Нөгербеков есімді қазақстанды азамат жол апатынан қаза тапты. Бұл туралы Gofundme сайты Facebook желісіндегі Kazakh American Association тобына хабарлаған.
БАҚ мәліметінше, ер адам Огайо шатының оңтүстік-батысындағы Цинциннати қаласында жолда келе жатып, тізгінге ие бола алмай қалған. WLWT.com порталының мәліметі бойынша, 46 жастағы ер адам 5 наурызда шамамен сағат 18.20-да жол-көлік оқиғасына ұшыраған. Оның көлігі жолдан шығып кетіп, кәріздің бетон қақпасына соғылған. Көлік бірден өртеніп, ер адам ауруханада көз жұмған.
Нұрлан Нөгербеков
Хабарлама авторлары марқұмның денесін Таразға жеткізу үшін қаражат сұрап отыр.
"Нұрлан қайырымды әке әрі күйеу, қымбатты бала әрі бауыр, жақсы дос бола білген. Туыстары жерлеуі үшін Нұрланның денесін үйіне тасымалдауға ақша сұраймыз. Қазақстан елшілігі тасымалдауға көмек қолын созуға дайын. Әркімнен үлес қосуын я сілтемені бөлісуін сұраймыз. Кез келген әрекетіңіз Нұрланның отбасына жасаған жақсылығыңыз болмақ", - делінген хабарламада.
