Ақтөбе облысында жол апаты болып, салдарынан 4 адам қаза тапты, - деп хабарлайды Polisia.kz.
Жол-көлік оқиғасы 25 ақпанда сағат 13:00 шамасында Өлке кенті ауданындағы "Қарабұтақ-Қостанай" автожолында болған.
Алдын ала мәліметтер бойынша, армян есебіндегі "Honda" (минивэн) автокөлігі қарсы келе жатқан жолаққа шығып, Volvo (фура) жүк көлігімен соқтығысқан. Volvo тізгінінде Алматы облысының 52 жастағы тұрғыны болған. Жол-көлік оқиғасының салдарынан "Honda" автокөлігінің жүргізушісі мен үш жолаушысы оқиға орнында көз жұмды. Жолаушылар Тәжікстан азаматы екені анықталған.
"Полиция департаменті тағы да жол қозғалысы ережелерін сақтау қажеттігі туралы, сондай-ақ жол белгілерінің талаптарын сақтау керегін ескертеді", - делінген хабарламада.
