+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақтөбе облысында полицейдің қызмет жакетін жыртып тастаған азаматқа бостандығын екі жылға шектеу жазасы берілді, - деп хабарлайды Tengrinews.kz тілшісі облыстық соттың ақпаратпен қамтамасыз ету бөліміне сілтеме жасап.
Ақтөбе облысында полицейдің қызмет жакетін жыртып тастаған азаматқа бостандығын екі жылға шектеу жазасы берілді, - деп хабарлайды Tengrinews.kz тілшісі облыстық соттың ақпаратпен қамтамасыз ету бөліміне сілтеме жасап.
Соттың мәліметінше, оқиға 2015 жылы 23 қаңтарда Қандыағаш қаласының Жеңіс даңғылы бойында болған. Мас күйінде келе жатқан азамат қоғамдық тәртіпті сақтау, құқықбұзушылықтардың алдын алу міндеттерін атқарып жүрген билік өкілі, Мұғалжар аудандық ІІБ-нің жол-патруль полициясы бөлімшесі қызметкерінің денсаулығына қауiпті емес күш қолданып, қызмет киімін жыртып тастаған.
"Ақтөбе облысы Мұғалжар аудандық соты ҚР Қылмыстық кодексінің 380-бабының 1-бөлігімен полицейдің қызметтік жакетін жыртып тастаған азаматқа қатысты қылмыстық істі қарады. Сот жасалған қылмыстың сипаты мен қоғамға қауіптілік дәрежесін ескеріп, бостандығын екі жылға шектеу жазасын тағайындады. Үкім заңды күшіне енген жоқ", - делінген хабарламада.
Еске сала кетейік, осыған ұқсас оқиға Алматыда 2014 жылдың желтоқсанында болған еді. Ол кезде мас жаяу жүргінші Алматыда жол қозғалысын реттеуші полицейді ұрып жықты. Оқиға 25 желтоқсанда кешке Сейфуллин даңғылының Райымбек даңғылымен қиылысына жақын жерде болды. Куәгер тәртіп сақшысы мен ер адамның төбелесе жөнелген әрекетін видеоға түсіріп алған.
