Ақтөбеде "әділетсіз дастархан" бейнеленген суреттегі адамдар іздестіріліп жатыр

17 Наурыз 2017, 14:45
0
Ақтөбеде "әділетсіз дастархан" бейнеленген суреттегі адамдар іздестіріліп жатыр - © Facebook/Мақсат Ақмұратов
© Facebook/Мақсат Ақмұратов

Ақтөбедегі балабақша әкімшілігіндегілер балалардың шай ішіп жатқаны түсірілген суретке қатысты түсінік берді. Айта кетейік, осыған дейін әлеуметтік желілерде және мессенджерлерде балалардың дастарқанының бос тұрғаны, ал тәрбиешілердің керісінше мол дастархан үстінде отырған суреті таралған болатын. Суреттен тәрбиешілердің үстелінде жеміс-жидек, ет және басқа да тағамдар тұрғанын, ал балалардың үстелінде тек бір тәрелке мен бірнеше бауырсақ тұрғанын көруге болады.

Ақтөбедегі № 12 балабақшаның әдіскері Tengrinews.kz тілшісіне бұл суреттің оларға қатысы жоқ екенін айтып отыр.

"Бұл балалар біздің балабақшамызда тәрбиеленіп жатқан жоқ. Біз қалалық білім бөліміне түсініктеме жаздық. Бұл біздің балабақша емес. Біздің ғимаратымыз емес. Тәрбиешілер де басқа. Сіздер осында келіп біздің топтағы балаларды көрсеңіздер болады. Таралып жатқан суреттің Ақтөбедегі 12 балабақшаға қатысы жоқ", - деді мекеме қызметкері.

Ал Ақтөбе қалалық білім бөліміндегілер қазіргі уақытта қаладағы балабақшалардан суреттегі адамдарды іздестіріп жатқанын хабарлады.

"Балабақшалар арасында сауалнама жүргіземіз, суретті көрсетеміз. Жұмыстар жүргізіліп жатыр. Ақтөбеде түсірілген сурет деп айтып жатқандықтан, оларды табу керек. Суреттегі адамдарды тапқан жағдайда балабақша меңгерушісіне қатысты шаралар қолданамыз. Себебі бұлай болмауы тиіс", - деді орта және мектепке дейінгі білім беру секторының меңгерушісі Гүлназ Мырзағалиева.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай