13 мамыр 2016 | 09:13

Ақтөбеде әжетханаға тасталған сәбиді құтқару сәтінің видеосы пайда болды

Ақтөбеде әжетханаға тасталған сәбиді құтқару сәтінің видеосы пайда болды, - деп хабарлайды "Рика ТВ".

Жалғасы

■

Ақтөбеде нәрестесін әжетханаға тастаған әйел 4 жылға сотталуы мүмкін

13 мамыр 2016, 11:11

■

Ақтөбеде әжетханадан табылған нәресте салмақ қоса бастады

15 мамыр 2016, 18:59

■

Ақтөбеде әжетханадан табылған нәресте асырап алынды

27 желтоқсан 2016, 09:20

Видеода нәрестенің бірнеше минут бұрын туылғаны көрініп тұр, оның кіндігін оқиға орнына келген дәрігерлер кесті. Ілек полиция бөлімінің қызметкерлері аймақты тексеруге көшті. Оқиға орнын қараған полицейлер белгісіз әйелдің әжетханада босанғанын, сөйтіп, қазылған шұңқырына тастап кеткенін анықтады. Нәресте облыстық перзентханаға жеткізілді. Оның шешесін іздеуге облыстық ІІД қызметкерлері кірісті.

Перзентханадағылар кейін қыздың аман-сау екенін хабарлады. Оның салмағы 3 келі 80 грамм, бойы 52 сантиметр. Қазіргі уақытта нәресте дәрігерлердің қарауында, дәрігерлер оның жақсы тамақтанып жатқанын айтты.

Еске салайық, кеше Ақтөбенің 41 жастағы тұрғыны Молдағали Орынбасаров көшедегі әжетханадан нәресте тауып алған еді. Ер адам әжетхана есігін ашқан кезде қыз бала қалтаға оралып, шұңқырда жатқан екен. Молдағалидің айтуынша, ол ең алдымен "102" номеріне, кейін жедел жәрдем қызметіне хабарласқан. Дегенмен ол полицейлер мен дәрігерлер келгенге дейін шыдамай, шұңқырға түсіп, нәрестені алып шығады.

Құқық қорғау органдары Қайғылы оқиға соңғы жаңалықтар Денсаулық Балалар Ақтөбе облысы

TENGRI travel