+7 (777) 001 44 99
Қазақша
Русский
English
26 қыркүйек 2018 14:17
Ақтөбеде мектеп инспекторы оқушыны ұрып-соққан
Ақтөбеде мектеп инспекторы оқушыны ұрып-соққан, - деп хабарлайды Tengrinews.kz тілшісі.
ПОДЕЛИТЬСЯ
Ақтөбеде мектеп инспекторы оқушыны ұрып-соққан, - деп хабарлайды Tengrinews.kz тілшісі.
Instagram желісіндегі aktobe_zello парақшасында Ақтөбедегі № 2 орта мектебінде инспектордың сабаққа мектеп формасын кимеген оқушыны ұрып соққаны туралы хабарлама жарияланған. Бұл оқиғаның 22 қыркүйекте болғаны айтылады.
Посмотреть эту публикацию в Instagram
Публикация от Aktobe Zello - Official Page (@aktobe_zello) 25 Сен 2018 в 11:15 PDT
Мектеп директоры Сания Данишева бұл мәліметті растады.
"22 қыркүйекте мектеп оқушысы мен испектор арасында дау шықты. Бала мектеп формасын кимеген. Сол күні кезекшілік еткен мектеп меңгерушісі инспектормен кездескен. Олар балаға ескерту жасаған. Сол күні біздің мектепте республикалық конференция өтіп жатты. Меңгерушісі іс-шараға қатысқан, ал инспектор өзінің өкілеттігін пайдаланып, осындай әрекет жасаған. Инспектор 1 қыркүйекте тағайындалған еді. Жасы 22-де, жас маман", - дейді мектеп директоры.
Оның айтуынша, осы жағдайдан кейін 10-сынып оқушысы медициналық көмекке жүгінген. Директордың айтуынша, ол қазір сабаққа барып жүр.
Данишеваның айтуынша, оқушының ата-анасы арыз түсірген жоқ, тараптар татуласты. Ал мектеп инспекторы жұмыстан шығарылды.
Показать комментарии
Читайте также
