Алматыдан 22 шақырым қашықтықта магнитудасы 6.3-ке тең жер сілкінісі болды, - деп хабарлайды Тengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
Жер сілкінісі Алматы уақыты бойынша 20.01-де болды. Зілзала эпицентрі Алматы қаласынан оңтүстікке қарай 22 шақырым жерде - Қазақстан аумағында болды. Оның энергетикалық класы - 12.6. Жерасты дүмпулерінің ошағы 20 шақырым тереңдіктен анықталды. Алматыда жер сілкінісі 4-5 балл түрінде сезілді. Жер сілкінісінен зардап шеккендер мен қираған нысандар туралы ақпарат жоқ.
Еске салайық, мұның алдында 10 наурыз күні Алматыдан оңтүстік-шығысқа қарай 95 шақырымда магнитудасы 4,2-ге тең жер сілкінісі болды, оның эпицентрі Қазақстан аумағында болды. Сондай-ақ, 9 наурыз күні Алматыдан 290 шақырым қашықтықта магнитудасы 4,3-ке тең жер сілкінісі тіркелді. Жер сілкінісінің эпицентрі Қырғызстан аумағында болған. Зардап шеккендер мен қираған нысандар туралы мәлімет жоқ.