+7 (777) 001 44 99
Қазақша
Русский
English
Алматыда автобус дүкенді соғып кетті, - деп хабарлайды СТВ телеарнасындағы "Территория происшествий" бағдарламасының тілшісі.
Ірі жол апаты Сейфуллин даңғылы мен Майборода көшесінің қиылысында болған. Кейбір нұсқаларға қарағанда, автобус Сейфуллин даңғылының бойымен солтүстік бағытта келе жатқан. Майборода көшесінің қиылысында Daewoo Nexia көлігінің жүргізушісі қарсы жолаққа шығып кетіп, қоғамдық көлікпен соғысқан. Содан автобус оң жаққа қарай ұшып кетіп, тұрған екі көлікті соғып кеткен - Subaru мен Hyundai, ал кейін азық-түлік дүкеніне барып соғысқан.
Басқа мәліметтерге сүйенсек, екі автобус бір-бірімен жарысып келе жатқан. Содан олардың бірі қиылыста бірінші болып өтіп кетіп, нәтижесінде Daewoo Nexia көлігімен соғысқан.
Айта кетейік, автобус соғып кеткен дүкенде ешкім зардап шеккен жоқ. Бірақ жол-көлік оқиғасынан алты адам зардап шеккен. Әзірше автобус жүргізушісінің екі аяғы сынғаны белгілі. Ал Daewoo Nexia жүргізушісі ауыр жағдайда ауруханаға жеткізілген. Полиция қызметкерлері жол апатының мән-жайын анықтап жатыр.
