Алматыда Toyota жүргізушісі Mercedes көлігін соғып кетті, - деп хабарлайды СТВ телеарнасындағы "Территория происшествий" бағдарламасының тілшісі.
Жол апаты Яссауи көшесінде, Московская көшесіне жақын жерде болған. Toyota Camry Яссауи көшесімен солтүстік бағытта келе жатқан. Белгісіз себептерге байланысты жүргізуші тізгінге ие бола алмай, жолда тұрған Mercedes көлігін соғып өткен. Салдарынан көлік жер үйдің қақпасына қарай ұшып кеткен. Toyota көлігі болса, арыққа түсіп кеткен.
© "Территория происшествий" бағдарламасы
Жол апатынан Toyota Camry жүргізушісі зардап шекті. Ол түрлі жарақаттарымен ауруханаға жеткізілді. Қала полицейлері жол апатының мән-жайын анықтап жатыр.
