Алматыда автобус жолға отырып алған ер адамды қағып кетті, - деп хабарлайды СТВ телеарнасындағы "Территория происшествий" бағдарламасының тілшісі.
Жол-көлік оқиғасы Гагарин даңғылының бойында Қарасай батыр мен Қабанбай батыр көшелерінің аралығында болған.
№81 бағыттағы автобус жүргізушісінің айтуынша, ол солтүстік бағытта жүріп келе жатып, жол бойында адамның отырғанын байқап қалған. Дереу тежегішті басса да, көлікті тоқтатып үлгермеген.
Ер адам алған жарақатынан оқиға орнында қаза тапты. Марқұмның қалтасында құжаты болмағаны айтылады. Шамамен оның жасы 30-35-те. Оқиғаның мән-жайын полиция анықтап жатыр.
© "Территория происшествий"
