+7 (777) 001 44 99
Қазақша
Русский
English
Медициналық университеттің қаза тапқан студенті Санжарбек Арзиев Бішкекте жерленеді, - деп хабарлайды Tengrinews.kz тілшісі.
ҚазҰМУ-дың проректоры Қазбек Төлебаевтың айтуынша, студенттің денесін кеше кешке әкеткен. "Сот-медициналық сараптамасы жүргізілді. Ата-анасы Қостанайда тұратындықтан, денені сол жаққа жеткізуге көмек керек болады деп ойладық. Дегенмен туыстары Бішкекте тұрғандықтан, ата-анасы сол жаққа жерлеуді жөн көріпті", - деді Төлебаев.
Еске салайық, Алматыда Асфендияров атындағы ҚазҰМУ-дың студенті Санжарбек Арзиев 30 сәуірде жоғалып кеткен болатын. 23 жастағы Санжарбектің досының айтуынша, соңғы рет студентті таныстары Манас пен Шевченко көшелерінің қиылысында таңғы сағат 4 шамасында көрген. Студенттің денесі кеше Есентай өзенінің Рысқұлов даңғылы жағында табылды.
