Алматыда "жедел жәрдем" жол-көлік оқиғасына ұшырады, - деп хабарлайды СТВ телеарнасындағы "Территория происшествий" бағдарламасының тілшісі.
Оқиға өткен түнде №7 қалалық ауруханасының маңында болды. "Жедел жәрдем" көлігі ауруханадан шығып, Әуезов көшесімен солтүстік бағытта қозғалған. Сол кезде сол қапталда келе жатқан Skoda автокөлігімен түйісіп қалды. Жол-көлік оқиғасынан медицина қызметкерлері жарақат алды.
Skoda автокөлігінің жүргізушісінің айтуынша, "жедел жәрдем" көлігі оң жақтағы тоқтап тұрған машиналарды айналып өтпек болып, сол жақтағы жолға шыққан кезде Skoda-мен соқтығысты. Сонымен қатар, ол дәрігерлер көлігінің жыпылықтаған дабылды қоспағанын айтты.
Еске сала кетейік, қаңтар айында Алматыда жаппай жол-көлік оқиғасы болған еді. Жолаушылары бар автобус Есенәлиев көшесінде 11 жеңіл автокөлікті соғып кетті. Содан кейін көше бұрылысында жүк көлігі мен 44 жастағы жаяу адамды тағы қақты. Жол-көлік оқиғасы салдарынан тоғыз адам зардап шекті, олардың арасында үш бала бар. Автобус жүргізушісінің қол-аяғы сынды. Автопарк басшылығы қоғамдық бағытқа шығарылған автобустың техникалық жағынан ақауы болмағанын мәлімдеді.
