1. Басты
  2. Біл
  3. Оқиға
  4. Тосын жай

Алматы облысында құлаған ұшаққа қатысты оқиғаның мән-жайы белгілі болды

МAULE М-7-260С ұшағы МAULE М-7-260С ұшағы

ҚР ИДМ Азаматтық авиация комитетінің өкілдері Алматы облысында құлаған ұшаққа қатысты оқиғаның мән-жайын айтып берді, - деп хабарлайды Tengrinews.kz тілшісі комитетке сілтеме жасап.

Кіші авиацияның жеке ұшағы "Олжа Бастау" ЖШС-на тиесілі екені белгілі болды.

"Ұшақ бортында екі адам болды. Оқиға орнына Төтенше жағдайлар комитетінің қызметкерлері барды. Ұшқыш қаза болды. Ал зардап шеккен ер адамға алғашқы медициналық көмек көрсетілді", - деп хабарлады Азаматтық авиация комитетіндегілер.

Комитеттегілердің айтуынша, оқиға Алматы облысы Жиделі елді мекенінің солтүстік-шығысынан 20 шақырым жерде болған. АҚШ-тың МAULE М-7-260С ұшағы құлаған.

"Олжа Бастау" ЖШС-та ҚР Индустриялар және даму министрілігі Азаматтық авиация комитетінің куәлігі жоқ. "Олжа Бастау" барлығына ортақ авиацияға тиесілі, Азаматтық авиация комитетінде тіркеуде тұр. ҚР ИДМ-нің Көлік оқиғалары мен оқыс оқиғаларды тексеру департаменті осы дерек бойынша тергеу жүргізеді", - делінген хабарламада.

Ұшақтың құлағаны жайлы мәліметті Алматы облыстық Төтенше жағдайлар департаментінің ресми өкілі Азамат Жұртбаев растады. Оның айтуынша, өрт шыққан жоқ.