Алматыда 36 адам астан ұшынды

26 Тамыз 2015, 08:37
0
Алматыда 36 адам астан ұшынды - © КТК кадры
© КТК кадры

Алматыда 36 адам астан ұшынды. Қазіргі кезде бас-аяғы 36 адам ауруханада жатыр, - деп хабарлайды КТК телеарнасы. 

Телеарна тілшілерінің мәліметінше, бас ауырып, дене қызуы көтеріліп, іші ауырғандар жедел жәрдем көлігімен жеткізілген. Кейін олардың бірнешеуінің дөнер сататын бір нысанның асын ішкені анықталды. Салдарынан инфекциялық аурулар ауруханасында емделуге мәжбүр.

Ал санитарлық дәрігерлер тексеріс жүргізгеннен кейін кәсіпкердің сапасыз тағам сатқанымен қатар, тазалыққа да мән бермегені анықталды. Сондай-ақ аспаздардың медициналық кітапшалары да жоқ болып шыққан. Оларға қатысты хаттама толтырылып, іс сотқа жолданатын болды. Бірақ кәсіпкер осы сәтті пайдаланып, жөндеу жұмыстарын жүргізуді жөн көрген сыңайлы. Алматы қалалық тұтынушылар құқығын қорғау департаменті басшысының орынбасары Қарлығаш Әбдіжапарова нысанның жұмыс істеп тұрмағанын айтады. "Объектінің қызметі тоқтатылды. Медициналық тексерістен өтпеген жұмысшыларды жұмыстан босату туралы қаулы шығарылды. Тексеру тек конкретный факт бойынша жүргізіледі", - деді Әбдіжапарова.

Дереккөз: КТК 

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай