Алматыда әл-Фараби даңғылында автобус өртенді

24 Қазан, 08:41
0
Алматыда әл-Фараби даңғылында автобус өртенді - Видеодан алынған кадр
Видеодан алынған кадр

Алматыда әл-Фараби даңғылында жолаушылар автобусы өртенді, - деп хабарлайды Тengrinews.kz тілшісі.

Куәгерлердің айтуынша, өрт бүгін, 24 қазанда таңғы сағат 07.00 шамасында болған. Автобустың әл-Фараби даңғылы мен Ходжанов көшесінің қиылысында өртенгені айтылады.

Қалалық ТЖД мәліметінше, №32 бағыттағы автобус өртенген.

"Өрт сөндірушілер сағат 06.53-те оқиға орнына барды. Автобустың ішінде жолаушылар болған жоқ. 25 шаршы метр аумақ өртке оранған. Жүргізуші өртті өз бетінше сөндірмек болған. Өртті 11 қызметкер сөндірді, бір дана техника жұмылдырылды. Өрт сағат 06.57-те ауыздықталып, сағат 07.04-те толықтай сөндірілді. Қаза тапқандар мен зардап шеккендер жоқ", - деді ведомствоның баспасөз қызметіндегілер.

Кейбір мәліметтерге сүйенсек, қазіргі уақытта полицейлер әл-Фараби даңғылындағы батыс бағыттағы көлік қозғалысын тоқтатты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай