+7 (777) 001 44 99
ПОДЕЛИТЬСЯ
Алматыда автобус қағып кеткен қыз жансақтау бөлімінде жатыр, - деп хабарлайды Tengrinews.kz тілшісі қалалық денсаулық сақтау басқармасы баспасөз қызметіне сілтеме жасап.
Алматыда автобус қағып кеткен қыз жансақтау бөлімінде жатыр, - деп хабарлайды Tengrinews.kz тілшісі қалалық денсаулық сақтау басқармасы баспасөз қызметіне сілтеме жасап.
"Науқас жедел жәрдем бригадасымен № 7 Қалалық клиникалық ауруханаға жеткізілді. Жансақтау және интенсив терапия бөліміне жатқызылды. Жағдайы ауыр", - деді ведомство баспасөз қызметінің өкілдері.
Еске салайық, Алматыда автобус жүргізушісі жаяу жүргіншіні қағып кетті. Жол-көлік оқиғасының видеосы Instagram желісіндегі kris_p_brothers_official паблигінде жарияланды. "Алматыэлектротранс" мәліметінше, жол-көлік оқиғасы таңғы 8-де Өтеген батыр мен Қабдолов көшелерінің қиылысында болған.
"45 маршруттың жүргізушісі Өтеген батыр көшесінің бойымен оңтүстік бағытта Қабдолов көшесіне қарай жүріп, жаяу жүргіншіні қағып кетті. Соның салдарынан жаяу жүргінші бірнеше жеңіл жарақат алды. Жедел жәрдем бригадасы дереу шақыртылып, жаяу жүргіншіге медициналық көмек көрсетілді. Қазіргі уақытта оқиғаның мән - жайы анықталып жатыр", - деді компанияның баспасөз қызметінің өкілдері.
"Бұл оқиға Өтеген батыр және Қабдолов көшелерінің қиылысында болды. 31 жастағы әйел Қоғамдық көлік дөңгелегінің астында қалды. Қазіргі уақытта тергеу жұмыстарына Әуезов аудандық полиция басқармасының әкімшілік тәжірибе бөлімшесінің қызметкерлері кірісті. Зардап шеккен әйелдің жарақатының ауырлығына медициналық сараптама жүргізілетін болады. Сондай-ақ, қоғамдық көлік жүргізушісімен жол қозғалысы ережесін бұзуды анықтау мақсатында автотехникалық сараптама жүргізіледі", - деді Алматы полициясы департаменті баспасөз қызметінің өкілдері.
