+7 (777) 001 44 99
ПОДЕЛИТЬСЯ
Алматы қалалық денсаулық сақтау басқармасындағылар әл-Фараби даңғылында болған жол апатынан зардап шеккен қыздардың жағдайын айтты, - деп хабарлайды Tengrinews.kz тілшісі.
Алматы қалалық денсаулық сақтау басқармасындағылар әл-Фараби даңғылында болған жол апатынан зардап шеккен қыздардың жағдайын айтты, - деп хабарлайды Tengrinews.kz тілшісі.
Ауруханадағылар қыздардың бірінің аяғы жұлынып кеткенін растады. Қазір оған шұғыл түрде ота жасалып жатыр.
Оқиға орнына екі жедел жәрдем бригадасы барды. Екі қыз да зардап түрлі жарақаттарымен қаладағы клиникалардың біріне жеткізілді.
"Бірінші науқас Орталық қалалық клиникалық ауруханаға жеткізілді. Қажетті мамандармен жедел түрде консилиум өткізілді. Консилиумның шешімімен науқасқа ота жасалатын болды. Зардап шеккен қыз ауруханаға түскенде 3-4 деңгейлі травматикалық шок алған. Жабық бассүйек ми жарақаты мен оң және сол балтыр сүйектерінің ортаңғы, төменгі бөліктерінің көпжарқыншақты ашық сынығын алған", - деді дәрігерлер.
Ал екінші қыз, дәрігерлердің айтуынша, №7 қалалық клиникалық ауруханаға жабық бассүйек ми жарақатымен жеткізілген. "Жедел түрде қажетті мамандармен консилиум өткізіліп, нәтижесінде науқас нейрохирургия бөліміне жатқызылды", - деді ауруханадағылар.
Еске сала кетейік, осыған дейін Алматыда болған жол апатынан қыздың екі аяғы жұлынып кеткені хабарланған болатын. Жол-көлік оқиғасы әл-Фараби даңғылында Тұңғыш Президент саябағының маңында болған. Жол апатына түскен көліктің барлығы батыс бағытта кетіп бара жатқан.
