Алматыда ер адам лифт шахтасына құлап кеткен 14 ақпан 2019, 12:35
Алматыда көпқабатты үйлердің бірінде ер адам лифт шахтасына құлап, қаза тапты, - деп хабарлайды Tengrinews.kz тілшісі.
"Алматылифт" ЖШС мәліметінше, оқиға 13 ақпанда кешкі уақытта болған. Ұйымдағылардың айтуынша, ер адам бесінші қабаттағы лифт есігін бұзып, лифт шахтасына құлап кеткен. Оның мәйітін электрмеханик тауып алған. Оқиға кезінде лифт істемей тұрған - кабина алтыншы қабатта тұрған.
"Бұл дерек ҚР Қылмыстық кодексінің 306-бабы бойынша соталды тергеудің бірыңғай реестрінде тіркелді. ТЖ салдарынан 59 жастағы ер адам қаза тапты. Қазіргі уақытта соталды тергеуді Алатау аудандық Полиция басқармасының тергеу бөлімі жүргізіп жатыр. Оқиғаның мән-жайы анықталу үстінде", - деп хабарлады өз кезегінде полиция департаментінің өкілдері.