1. Басты
  2. Біл
  3. Оқиға
  4. Тосын жай

Алматыда жолаушылар отырған екі автобус соқтығысты: 9 адам зардап шекті28 ақпан 2018, 10:29

Сурет "Территория происшествий". Сурет "Территория происшествий".

Алматыда екі автобус пен Toyota көлігі соқтығысты, - деп хабарлайды СТВ арнасындағы "Территория происшествий" бағдарламасының тілшісі. Оқиға Шаңырақ ықшамауданындағы Шәріпов көшесінде болған. 

Куәгерлердің сөзінше, ЖКО ауа райының қолайсыздығынан болуы мүмкін. № 25 бағыттағы автобус жүргізушісі солтүстікке бет алып келе жатып, ұзақ бұрылыста рөлге ие бола алмай қалған. Көктайғақ салдарынан оңтүстікке қарай жүріп келе жатқан ол №102 бағыттағы автобусқа соқтығысқан. Алдын ала мәлімет бойынша, оқиға салдарынан тоғыз адам зардап шекті. 

Автобус жүргізушілері полицейлерге оқиғаның қалай болғанын баяндап тұрған кезде автобустардың біріне жеңіл көлік соғылған. 

"Оқиға орнында тексеріс жүріп жатқанда автобустардың біріне Toyota Camry маркалы көлік соғылды. Жүргізушісі зардап шеккен жоқ", - дейді куәгерлер. Қазір оқиғаның мән-жайы анықталып жатыр. 


Елордада IT-кеңес құрылды