1. Басты
  2. Біл
  3. Оқиға
  4. Тосын жай

Алматыда көпқабатты үйде шыққан өрттің салдарынан 300 адам эвакуацияланды

видеодан үзінді видеодан үзінді

Алматыдағы "Көкжиек" ықшамауданында көпқабатты үйде шыққан өрт салдарынан 300 адам эвакуацияланды, - деп хабарлайды Tengrinews.kz тілшісі ҚР ІІМ ТЖК баспасөз қызметіне сілтеме жасап. 

16:03-те Алматы ТЖД" "101" пультіне Жетісу ауданы, "Көкжиек", 32-үй мекенжайы бойынша өрт шыққаны туралы хабар түскен. Өрт сөндіру қызметінің бірігщі бригадасы 16:11-де келген. Ол кезде үйдің 1-5 қабат аралығындағы алдыңғы бөлігі өртеніп жатқан. Өрт аумағы - 1000 шаршы метр. 

"Үйдің шатыры да өртенген. Өрт сөндіру қызметкерлері екінші қайтара тағы да шақыртылған. Қазіргі уақытта Алматы қалалық Өрт сөндіру қызметінің 70-тен аса өрт сөндіруші мен екіден аса арнайы техника жұмылдырылған. 300 адам эвакуацияланды. Зардап шеккендер туралы мәлімет жоқ", - делінген ведомство хабарламасында. 

"Көкжиек" ықшамауданында көпқабатты үйде шыққан өрттің видеосы оқырманда редакцияға жіберіп жатыр. 


видео: Kris_p_Almaty

Еске сала кетейік, осыған дейін кеше, 5 сәуірде сағат 16:03-те Жетісу ауданындағы "Көкжиекте"  өрт шыққаны жайлы хабар түсті. Өрт сөндірушілер оқиға орнында жұмыс істеп жатыр. Олар эвакуация жүргізіп, өртті сөндіріп жатыр. Қосымша ақпарат кейінірек хабарланады", - деп хабарлады Алматы ТЖД ресми өкілі Сандуғаш Баймұхамбетова.


Видео авторы К. Шарипов