Алматының Әуезов ауданында жолаушылар автобусы жол апатына түсті. Жол-көлік оқиғасы салдарынан бала жарақат алды, - деп хабарлайды Tengrinews.kz тілшісі.
Оқиғаның егжей-тегжейін Полиция департаменті баяндап берді.
ПД мәліметінше, 7 желтоқсанда шамамен түнгі 23:10-да Škoda маркалы автокөлік Chevrolet-пен соқтығысқан. Соққыдан кейін көлік аялдамада тұрған жолаушылар автобусына, кейін инерциямен Volvo автокөлігіне соғысқан.
Бұған дейін желіде оқиға орнынан түсірілген кадрлар жарияланған еді.
"Жол апаты салдарынан Chevrolet-те отырған 2009 жылы туған бала жарақат алды. Ол қаладағы балалар ауруханаларының біріне жеткізілді", – деп хабарлады Алматы ПД.
Сілтемесіз жаңалық оқисыз ба? Онда Telegram желісінде парақшамызға тіркеліңіз!